Ein Hamseroedd Aros Presennol am Apwyntiadau
Beth allwch chi ei ddisgwyl
Amdanom ni
Rydym yn darparu gwasanaethau Niwroddatblygiadol arbenigol i blant a phobl ifanc o dan 18 oed yng Nghaerdydd a Bro Morgannwg.
Rydym yn rhan o Wasanaethau Iechyd Plant, Pobl Ifanc a Theuluoedd ym Mwrdd Iechyd Prifysgol Caerdydd a’r Fro.
Mae niwroddatblygiad yn golygu datblygiad yr ymennydd. Mae yna lawer o wahanol ffyrdd y gellir effeithio ar hyn. Enghreifftiau o bethau y gall hyn gael effaith arnynt yw dysgu, cof, rhyngweithio ag eraill, cyfeillgarwch, rheoli emosiynau, sylw a chanolbwyntio.
Pwy ydym ni?
Rydym yn wasanaeth cymunedol i blant a phobl ifanc 0-18 oed yng Nghaerdydd a Bro Morgannwg
Rydym wedi ein lleoi yng Nghanolfan i Blant Ysbyty Dewi Sant a Chanolfan i Blant Ysbyty Llandochau
Yn ein gwasanaeth mae: Pediatregwyr, Therapyddion Galwedigaethol, Nyrsys Arbenigol, Seicolegwyr Clinigol, Therapyddion Lleferydd ac Laith, Seiciatryddion Plant a Phobl Ifranc, Fferyllwyr a Gweinyddwyr
Rydym yn rhan o’r Gyfarwyddiaeth Gwasanaethau Iechyd Plant, Pobl Ifranc a Theuluoedd ac yn gweithio’n agos gyda chydweithwyr o bob rhan o’r Gyfarwyddiaeth gan gynnwys Lles Emosiynol ac Iechyd Meddwl.
Beth ydyn ni’n ei wneud?
- Asesiadau Diagnostig
- Cynnig cyngor a chefnogaeth i deuluoedd
- Darparu gwybodaeth am wasanaethau eraill a allai fod o gymorth
Beth yw Awtistiaeth?
Mae awtistiaeth yn gyflwr niwroddatblygiadol gydol oes sy’n effeithio ar sut mae pobl yn cyfathrebu ac yn rhyngweithio â’r byd.
Mae awtistiaeth yn gyflwr sbectrwm ac mae’n effeithio ar bobl mewn gwahanol ffyrdd. Fel pob person, mae gan bobl Awtistig eu cryfderau a’u gwendidau eu hunain.
Gall pobl awtistig gael anawsterau gyda’r canlynol:
- ei chael hi’n anodd cyfathrebu a rhyngweithio â phobl eraill
- ei chael hi’n anodd deall sut mae pobl eraill yn meddwl neu’n teimlo
- teimlo bod pethau fel goleuadau llachar neu synau uchel yn llethol, yn peri straen neu’n anghyfforddus
- mynd yn bryderus neu’n ofidus am sefyllfaoedd anghyfarwydd a digwyddiadau cymdeithasol
- cymryd mwy o amser i ddeall gwybodaeth
- gwneud neu feddwl yr un pethau drosodd a throsodd
Nid yw awtistiaeth yn salwch
Nid yw bod yn Awtistig yn golygu bod gennych salwch neu glefyd. Mae’n golygu bod eich ymennydd yn gweithio mewn ffordd wahanol i bobl eraill.
Mae’n rhywbeth rydych chi’n cael eich geni ag ef neu sy’n ymddangos gyntaf pan fyddwch chi’n ifanc iawn.
Os ydych chi’n Awtistig, rydych chi’n Awtistig drwy gydol eich bywyd.
Nid yw awtistiaeth yn gyflwr meddygol gyda thriniaethau neu “iachâd”. Ond mae angen cefnogaeth ar rai pobl i’w helpu gyda rhai pethau.
Cliciwch yma i ddarganfod mwy am Awtistiaeth gan AutismWales.org
Beth yw ADHD?
Mae ADHD yn gyflwr niwroddatblygiadol sydd gan lawer o blant, pobl ifanc ac oedolion.
Mae’n rhywbeth sy’n para oes, er bod llawer o bobl erbyn iddynt droi’n oedolyn wedi dysgu sut i fyw bywyd hapus a llwyddiannus gyda’u ADHD. I lawer o bobl mae cael ADHD wedi bod yn gryfder gwirioneddol sydd wedi eu helpu i lwyddo yn eu gyrfaoedd a’u bywyd.
Rhai o brif nodweddion ADHD yw:
- Gorfywiogrwydd (bod â llawer o egni a methu aros yn llonydd / angen symud o gwmpas llawer)
- Byrbwylldra (peidio â gallu hunan-reoleiddio neu reoli meddyliau, teimladau neu weithredoedd)
- Diffyg sylw (anhawster cofio gwybodaeth a chanolbwyntio)
Efallai y bydd rhywun ag ADHD hefyd yn:
- Anghofio pethau
- Siarad gormod
- Cymryd risgiau diangen
- Breuddwydio llawer
- Torri ar draws eraill
- Ei chael hi’n anodd cymryd tro
- Colli pethau’n hawdd
- Cael trafferth i drefnu eu hunain
Cymerwch olwg ar ein hadnoddau ar gyfer gweithwyr proffesiynol sy’n gweithio gyda phlant, pobl ifanc a theuluoedd.
Argymhellwn i chi gael golwg ar y dudalen Un Pwynt Mynediad os ydych yn gwneud atgyfeiriad atom ar ran plentyn neu berson ifanc.
Cysylltwch â ni i roi gwybod i ni pa gynnwys fyddai’n ddefnyddiol i chi a’r teuluoedd rydych chi’n gweithio gyda nhw.